एजेन्सी-अस्ट्रेलियामा एक भारतीय मूलका २९वर्षीय बस चालकलाई आगोमा जिउँदै जलाईएको छ ।

मनमीत अलीशर नाम गरेका ती युवकलाई अर्का एक व्यक्तिले आगो लगाउने मशीनले आक्रमण गरेका थिए । घटनामा सम्लग्न भएको आशंकामा ४८ वर्षीय एक व्यक्तिलाई प्रहरीले नियन्त्रणमा लिएको छ ।

घट्ना अस्ट्रेलिया स्थित ब्रिस्बेन शहरमा घटेको हो । मनमीत ब्रिस्बेन सिटी काउन्सिलको बस चलाउँथे । समाचारमा जनाईए अनुसार, मनमीत पंजाबी कम्यूनिटीमा गायकको रुपमा प्रख्यात थिए । आगो लागेपछि बसमा सवार यात्रुहरु पछाडिको ढोकाबाट भाग्न सफल भएका थिए । तथापि ६ जना यात्रुहरु घाइते भएका छन् र उनीहरुको उपचार स्थानिय अस्पतालमा भैरहेको छ ।

यात्रुहरु बसमा चढिरहेको बेला आक्रमण भएको थियो, प्रहरी अनुुसन्धानबाट खुलेको छ । शनिबार मनमीतको सम्मानमा ब्रिस्बेनमा झण्डा आधा झुकाइने बताईएको छ ।